किरण गदाइली

कार्तिक ९ गते । मिक्वाखोला गाउँपालिकाको साँवास्थित तेम्बामा आगामी मङ्सिर २ देखि ६ गतेसम्म ‘फङफङदेन झरना पर्यटन तथा सांस्कृतिक मेला २०८३’ सञ्चालन हुने भएको छ।

यस वर्ष मेलामा खेलकुद गतिविधिसँगै सांस्कृतिक कार्यक्रमसमेत आयोजना हुने आयोजकले जनाएको छ।

मेला आयोजक समितिका संयोजक विजय साँवाका अनुसार मिक्वाखोला क्षेत्रका पर्यटकीय स्थल तथा स्थानीय उत्पादनको प्रवर्द्धन गर्नु मेलाको मुख्य उद्देश्य रहेको छ। मेलामार्फत ताप्लेजुङको अलैँचीको ख्याति विश्वभर फैलाउने अपेक्षा गरिएको उहाँले बताउनुभयो।

अलैँचीको प्रवर्द्धनमा जोड दिँदै आयोजकले गत वर्षदेखि फुटबल प्रतियोगितामा नगदको सट्टा अलैँची पुरस्कारका रूपमा दिने व्यवस्था सुरु गरेको थियो। यस वर्ष पनि उक्त कार्यलाई निरन्तरता दिइएको छ।

फुटबल प्रतियोगितामा प्रथम हुने टोलीले ३ लाख २ हजार ८३ रुपैयाँ बराबरको अलैँची र उपविजेता टोलीले १ लाख ५० हजार ८३ रुपैयाँ बराबरको अलैँची पुरस्कार पाउने संयोजक साँवाले जानकारी दिनुभयो।

यस वर्षको मेलामा लोपोन्मुख सांस्कृतिक प्रस्तुतिका साथै राष्ट्रियस्तरका कलाकारहरूको प्रस्तुति रहने आयोजकले जनाएको छ।

फुटबलमा नगदको सट्टा अलैँची पुरस्कार दिने नयाँ अभ्यास सुरु गरेको फङफङदेन झरना पर्यटन विकास समितिले अलैँचीको प्रवर्द्धनका लागि ताप्लेजुङकै ठूलो फुटबल प्रतियोगिता लाखेजात्रा फुटबलमा ‘प्लेयर अफ द म्याच’लाई समेत अलैँची पुरस्कार प्रायोजन गरेको थियो।

सूचना : यस रेडियो ताप्लेजुङको वेबसाइटमा प्रकाशित समाचार कुनै पनि छापा वा डिजिटल माध्यममा बिना अनुमति कपी गरी प्रकाशन वा प्रसारण नगरिदिनुहोला। स्पष्ट स्रोत नखुलाएमा विद्युतीय ऐन अन्तर्गत भइ जाने व्यहोरा जानकारी गराइन्छ ।

                                                            ©  रेडियो ताप्लेजुङ

रचनात्मक कार्य गर्दै ताप्लेजुङमा तरुण दलले मनायो स्थापना दिवस

रेडियो ताप्लेजुङ कार्तिक १० गते । नेपाल तरुण दलको ७३औँ स्थापना दिवसको अवसरमा जिल्ला कार्यसमिति ताप्लेजुङले जिल्ला अस्पतालका बिरामीहरूलाई फलफूल

ताप्लेजुङ युके युवा समाजद्वारा जटिल रोगबाट पीडित तीनजनालाई नगद सहयोग

रेडियो ताप्लेजुङ कार्तिक १० गते । ताप्लेजुङ युके युवा समाज यूकेले जटिल रोगबाट पीडित ताप्लेजुङका तीन जनालाई आर्थिक सहयोग गरेको छ। मङ्गलबार एक

‘अर्नव’ चक्रवातको प्रभाव ताप्लेजुङमा समेत पर्ने भन्दै सतर्क रहन प्रशासनको आग्रह

रेडियो ताप्लेजुङ कार्तिक १० गते । भारतमा विकसित ‘अर्नव’ चक्रवातको शक्तिशाली प्रभाव ताप्लेजुङमा समेत देखिन सक्ने भन्दै जिल्ला प्रशासन कार्यालय