चाडपर्व लक्षित आकस्मिक स्वास्थ्य सेवाका लागि मेरिङदेनद्वारा विशेष योजना

रेडियो ताप्लेजुङ

असोज २७ गते । चाडबाडको छुट्टीको समयमा आकस्मिक स्वास्थ्य सेवाका लागि ताप्लेजुङको मेरिङदेन गाउँपालिकाले विशेष योजना अघि सारेको छ। निमित्त प्रमुख प्रशासकीय अधिकृत धनप्रसाद केदेमका अनुसार बडादसैँको नौ दिनको बिदाको समयमा कुनै पनि आकस्मिक वा प्रसूति सेवा आवश्यक परेमा ११ जना स्वास्थ्यकर्मीलाई सेवाका लागि खटाइएको छ। सबै वडाबाट प्रतिनिधित्व हुने गरी स्वास्थ्यकर्मीलाई खटाइएको र आवश्यक परे उहाँहरूको मोबाइल नम्बरमा सम्पर्क गरी अत्यावश्यक तथा प्रसूति सेवा लिन पालिकाले अनुरोध गरेको छ।

पाँचवटा वडामा दुई-दुई जना स्वास्थ्यकर्मीलाई खटाइएको छ भने तीन नम्बर वडा खाम्लुङमा एक जना स्वास्थ्यकर्मीलाई खटाइएको पालिकाले जनाएको छ।

बडादसैँको बिदा असोज ३१ गतेदेखि कात्तिक ८ गतेसम्म जम्मा नौ दिन रहने पालिकाले जनाएको छ।

सूचना : यस रेडियो ताप्लेजुङको वेबसाइटमा प्रकाशित समाचार कुनै पनि छापा वा डिजिटल माध्यममा बिना अनुमति कपी गरी प्रकाशन वा प्रसारण नगरिदिनुहोला। स्पष्ट स्रोत नखुलाएमा विद्युतीय ऐन अन्तर्गत भइ जाने व्यहोरा जानकारी गराइन्छ ।